Frantscha gudogna en l'ultima minuta
En la segunda partida da la gruppa A ha la Frantscha battì l'Albania cun 2:0. Ils dus gols èn però pir crudads en las ultimas minutas. En la 90avla ha Griezmann tutgà il gol ed en la 93avla Payet.
En la tabella da la gruppa A surpiglia la Frantscha cunquai la testa (6 puncts). Il pajais ospitant è uschia gia sa qualifitgà per l’8avel final.
La Svizra è sin plazza dus (4 puncts). Sin plazza trais suonda la Rumenia (1 punct) è sin l'ultim plaz l’Albania (0 puncts).
Slovachia batta Russia cun 2:1
La Slovachia è sa reabilitada da la terrada da l’emprim gieu: La squadra da trenader Kozac ha battì la Russia grazia ad in extraordinari Hamsik cun 2:1. A l’entschatta ha l’actur da Napoli introducì igl 1:0 cun in pass formidabel. Il 2:0 via pitga da gol ha Hamsik lura fatg sez en la 45avla minuta.
Suenter la pausa han ils Russ augmentà il tempo – cun success: Gluschakow ha spendrà l’onur da la squadra cun igl 1:0 en l’otgantavla minuta. Ma auter ch’encunter l’Engalterra n’èsi betg reussì al la «Sbornaja» d’egualisar il gieu.
RR novitads 17:00