Siglir tar il cuntegn

UEFA EURO 2016 EURO 2016: ils gieus da mesemna ils 15 da zercladur

La Frantscha gudogna la partida cunter l'Albania cun 2:0. Ils gols crodan però pir en las ultimasminutas. En l'ulteriura partida da la gruppa A hai dà Ina surpraisa: La Slovachia batta surprendentamain la Russia cun 2:1.

Payet sajetta il segund gol per il Franzos en la 93avla minuta.
Legenda: Payet sajetta il segund gol per il Franzos en la 93avla minuta. Keystone
Legende: Video Il puncts culminants - cun commentari da SRF abspielen. Laufzeit 3:51 Minuten.
Dals 15.06.2016.

Frantscha gudogna en l'ultima minuta

En la segunda partida da la gruppa A ha la Frantscha battì l'Albania cun 2:0. Ils dus gols èn però pir crudads en las ultimas minutas. En la 90avla ha Griezmann tutgà il gol ed en la 93avla Payet.

En la tabella da la gruppa A surpiglia la Frantscha cunquai la testa (6 puncts). Il pajais ospitant è uschia gia sa qualifitgà per l’8avel final.

La Svizra è sin plazza dus (4 puncts). Sin plazza trais suonda la Rumenia (1 punct) è sin l'ultim plaz l’Albania (0 puncts).

Legende: Video Resumaziun dal gieu Russia - Slovachia (SRF) abspielen. Laufzeit 2:58 Minuten.
Dals 15.06.2016.

Slovachia batta Russia cun 2:1

La Slovachia è sa reabilitada da la terrada da l’emprim gieu: La squadra da trenader Kozac ha battì la Russia grazia ad in extraordinari Hamsik cun 2:1. A l’entschatta ha l’actur da Napoli introducì igl 1:0 cun in pass formidabel. Il 2:0 via pitga da gol ha Hamsik lura fatg sez en la 45avla minuta.

Suenter la pausa han ils Russ augmentà il tempo – cun success: Gluschakow ha spendrà l’onur da la squadra cun igl 1:0 en l’otgantavla minuta. Ma auter ch’encunter l’Engalterra n’èsi betg reussì al la «Sbornaja» d’egualisar il gieu.

RR novitads 17:00