Siglir tar il cuntegn
Inhalt

UEFA EURO 2016 Euro 2016: Ils gieus da sonda, ils 11 da zercladur

En l’emprima partida da duas equipas novizas a campiunadis europeics gudogna Wales cunter la Slovachia cun 2:1. E L'Engalterra fa in pari cunter la Russia cun 1:1.

Ils giugaders da Wales giubileschan.
Legenda: Ils giugaders da Wales sa legran da l'emprima victoria per l'equipa da Wales als campiunadis d'Europa. Keystone

Il duel valeva sco duel da las duas flaivlas equipas en la Gruppa B nua che anc l’Engalterra e la Russia fan part. Per omaduas equipas era quai cler ch’il victur ha meglras schanzas da cuntanscher ils otgavels finals.

Il grond star da Wals Gareth Bale.
Legenda: Il grond star da Wals Gareth Bale. Keystone

En la 10avla minuta ha il star da Wales Gareth Bale marcà il 1:0 per Wales. En la 61avla minuta han alura ils Slovacs pudì egualisar la partida tras Ondrej Duda. 10 minutas avant la fin en l’81avla minuta marcà alura Hal Robson-Kanu il 2:1 per Wales.

Engalterra parta ils puncts cun la Russia

In giugader da ballape che sa legra.
Legenda: Ina minuta avant la fin egualisescha la Russia la partida cunter l'Engalterra. Keystone

L’Engalterra aveva surtut en l’emprima mesadad dal gieu bunas schanzas. Cun bler anim han ils Englais pudì crear bunas schanzas. La precisiun ha dentant mancà. En la segunda mesadad han ils Englais alura pudì marcar il gol tar il 1:0 en la 71avla minuta.

En la prolungaziun han alura ils Russ anc pudì vegnir avant il gol englais ed han pudì egualisar la partida. Ils Englais han uschia anc mai pudì gudagnar ina emprima partida a gronds campiunadis da ballape.

RR novitads 23:00