Tar il 0:0 cunter l'Austria han ils Portugais bain fatg gronda pressiun, ils Austriacs èn dentant era sa defendids da tutta forza. Ed en la 79avla minuta ha il superstar Cristiano Ronaldo mo tutgà la pitga cura ch'el ha pudì sajettar in penalti.
En il davos gieu da gruppa mesemna che vegn cunter l'Ungaria sto il Portugal uss gudagnar. L'Austria ha era anc la schanza da vegnir en ils otgavel-finals.
Puspè ha in gol curt avant la fin d'in gieu da l'Euro decidì ina partida. Cun agid in autogol d'in giugader islandais en la 88avla minuta cuntanscha l'Ungaria in pari 1:1 cunter l'Islanda.
Tras in penalti era l'Islanda ida en la 39avla minuta en avantatg. Suenter la pausa han ils Ungarais fatg pulita pressiun, dentant els han duvrà bler pazienzia fin a l'egualisaziun.
L'Ungaria ha uss quatter puncts ed ha uschia bunas schanzas da cuntanscher ils quartfinals. E l'Islanda ha gudagnà questa saira ses segund punct.
Clera victoria per la Belgia
En ses segund gieu dal campiunadi ha la Belgia battì l'Irlanda cleramain cun 3:0. Quai è l'emprima victoria per la Belgia a quest campiunadi.
Durant l'emprima mesadad èn ils Irlandais sa defendids bain. En la 48avla minuta a Lukaku lura sajettà il 1:0 per la Belgia. Ils ulteriurs gols an Witsel ed anc ina giada Lukaku marcà.
Entant che la Belgia ha uss bunas cartas per cuntanscher ils otgavel-finals - frunta l'Irlanda ch'ha in sulet punct anc sin l'Italia.
RR novitads 17:00/20:00