A partir da la 36avla minuta è la Svizra stada cun in um dapli sin il plaz. Il capitani albanais Lorik Cana ha survegnì mellen-cotschen suenter in hands. Suenter pausa han ils Svizzers lura manchentà pliras schanzas.
Grazia a las bunas acziuns dal goli Yann Sommer n'ha la Svizra betg pers puncts. Uschia ha il goli da Mönchengladbach defendì in sajet da Armando Sadiku en la 31avla minuta. En la 87avla ha el lura parà da moda miraculusa cunter Sheklzen Gashi.
Mesemna cunter la Rumenia
Cun la victoria sa chatta la Svizra èn ina buna situaziun da partenza en la gruppa A. Ella ha pudì far frunt al squitsch da la rolla dal favurit. Mesemna frunta la squadra da Petkovic lura sin la Rumenia.
RR novitads 17:00