UEFA EURO 2016 - Gartegi a la Germania da gudagnar cunter l'Italia? - Sport

UEFA EURO 2016 Gartegi a la Germania da gudagnar cunter l'Italia?

Igl è propi QUEL classicher tar gronds turniers: L’inscunter tranter la Germania e l’Italia. Nagin auter duel n’haja dat uschia bleras giadas sco quel tranter la Germania e l’Italia. Ed anc mai n’ha la Germania pudì gudagnar il duel encunter la «Squadra Azzurra».

Dals 8 duels ch’igl ha dà enfin uss a turniers gronds ha l’Italia gudagnà 4. E 4 giadas è la partida ida a fin pari. La davosa giada ha l’Italia bittà la Germania or dal champiunadi d’Europa en Pologna ed in Ucraina.

Per il trenader Joachim ‘Jogi’ Löw datti perquai uss la schanza sin revantscha.

Legenda: Tadlar il audio Joachim «Jogi» löw, trenader tudestg.. Durada 03:02 minutas.

03:02 min, Sportissimo dals 02.07.2016.

Nus n'avain betg in trauma talian.
Autur: Joachim Löwtrenader tudestg

L’equipa che gudogna il quart final frunta lura sin il victur dal duel tranter la Frantscha e l’Islanda e sa forsa dar per il titel da campiun europeic. Per l’Italia fiss quai il segund titel, per la Germania gia igl quart.

Legenda: Tadlar il audio Antonio Conte, trenader talian.. Durada 02:55 minutas.

02:55 min, Sportissimo dals 02.07.2016.

I vul in'acziun titanica pervi ch'igl è ina squadra fitg ferma (la tudestga).
Autur: Antonio Contetrenader talian

RR Sportissimo 17:00