Siglir tar il cuntegn
Inhalt

UEFA EURO 2016 GER-FRA mez-final senza Khedira

Uss èsi definitiv: La squadra naziunala da ballape tudestga sto era desister da Sami Khedira en il mez-final dal campiunadi europeic. Quai ha confermà il trenader tudestg Joachim Löw.

Ils stars sin il velo da trenament.
Legenda: Schweinsteiger anc en trenament - qua cun (da san.) Müller, Boateng e Draxler en lur quartier ad Evian (F). Keystone

Khedira era sa blessà vi dals adducturs en la partida da quart-final cunter l'Italia. Sper Khedira crodan ora Mario Gomez - era el pervia d'ina blessura - e Mats Hummels pervia da duas chartas melnas.

Sch'il capitani Bastian Schweinsteiger po giugar gievgia n'è anc betg cler. El patescha d'ina blessura vi dal schanugl.

RR novitads 14:00