Ils Islandais, in pievel cun duas fatschas

Cun lur prestaziuns han ils Islandais fatg surstar blers. Sil pli tard cun la victoria encunter l’Engalterra. Ma era ils fans han gudagnà bleras simpatias. Ed els han era fatg impressiun, cun lur sbratgs accumpagnads da splatschs. Ma adina n’èn ils Islandais betg uschia.

Fans islandais festiveschan Bild in Lightbox öffnen.

Legenda da maletgs: Adina n’èn ils Islandais betg uschia euforics sco suenter las victorias da lur equipa naziunala. Keystone

Durant il campiunadi d’Europa en Frantscha, regia era in’atmosfera speziala en Islanda. Ins vesia fans cun vistas coluradas, cun bandieras e tricots. Quai di Andreas Baumgartner, ch’abita dapi 6 onns el nord da l’Islanda. Era saja igl interess vid ils sgols ed ils bigliets per ir a mirar il quart-final cunter la Frantscha fitg gronds.

Actualmain paran ils Islandais fitg euforics. Baumgartner manegia, ch’els sappian vegnir fitg or da savess en da quests muments. Pli fitg ch’ils Svizzers, manegia igl um da 47 onns. Ma tuttina, en il mintgadi sajan ils Islandais dentant plitost reservads.