Siglir tar il cuntegn

Header

cuntegn

UEFA EURO 2016 La Frantscha fa fin cun ils siemis islandais

L’equipa da chasa la Frantscha è cun ina clera victoria da 5:2 cunter l’Islanda en il mezfinal. La spetga la gievgia il campiun mundial la Germania.

  • L’ultima equipa che vegn a giugar il mezfinal è la Frantscha: Uschia sa cloman las partidas Portugal cunter Wales la mesemna e Germania cunter Frantscha la gievgia.
  • Per l’emprima giada ha ina equipa marcà 4 gols en ina mesadad durant ina EURO en la fasa da k.o.
  • Antoine Griezmann è cun quatter gols il capo tira gols da la EURO.

audio
Euro 2016 - la Frantscha ha fatg fin cul siemi islandais
ord Actualitad dals 04.07.2016.
laschar ir. Durada: 1 minuta 27 Secundas.

La Frantscha ha cunter l’Islanda marcà en la 12avla minuta tras Olivier Groud il 1:0 en la 19minuta tras Paul Pogba il 2:0. Sinaquai è l’equipa da l’Islanda stada in zic schoccada ed ils Franzos han controllà il gieu.

Alura curt avant la pausa han ils Franzos tras Dimitri Payet en la 43avla minuta e tras Antoine Grizmann en la 45avla minuta decis la partida gia avant pausa.

Islanda fa anc dus gols en segunda mesadad

En la segunda mesadad èsi uschia vegni tar in chaussa formala a Paris avant 75’000 aspectaturs. Ma tuttina ha l’Islanda pudì marcar il 1:4 en la 56avla minuta. Curt suenter ha Giroud marcà il gol tar il 5:1. Alura ha curt avant la fin anc l’Islandais en l’equipa dal campiun svizzer dal FC Basilea Bikir Bjarnason marcà il 2:5 tar il resultat final.

Uss frunta l’equipa la gievgia proxima sin il campiun mundial la Germania.

Islanda era l’equipa da surpraisa (dasper il Wales)

L'Islanda ha malgrà questa terrada giugà in fitg bun turnier. Quai era insumma l’emprima participaziun da l’Islanda ad in grond turnier da ballape. Uschia han els persvadi gia en la fasa da gruppa e la pli gronda victoria è stada en l’otgavel final cunter l’Engalterra cun 2:1. Ed er ils fans da l’Islanda èn stads ina attracziun cun lur «Haka».

RR novitads 23:00

Artitgels legids il pli savens