Il pli impurtant en curt
Suenter in gieu valurus ha la Svizra pers esuenter penaltis cun 4:5 encunter la Polonia. Xhaka è stà il disfortunà che n'ha betg tutgà il gol.
Ils Svizers han giogà ina segunda mesadad fitg buna cun bunas schanzas da far in gol - ch'els han dentant savì nizzegiar mo ina giada:
En l'82avla minuta ha Shaqiri realisà in gol da siemi.
Suenter il temp regular e la prolungaziun era il resultat 1:1.
20'000 fans han sustegnì lur squadra en il stadion a Saint-Etienne.
Il gieu en survista
Durant lungas parts da l'emprima mesadad dal gieu dominavan ils Polonais.
Per ils svizers è il gieu dentant tuttina ditg i bain - fin en la 39avla minuta nua che Blaszczykowski il 1:0 per la Polonia.
L'equipa da Vladimir Petkovic aveva dad ir cun in disavantatg dad 0:1 en la pausa.
In 0:1 che va diltuttafatg en urden, di Roman Dobler che commentava il gieu per RTR en il stadion a Saint-Etienne.
En la segunda mesadad da la partida n'han ils Svizzers betg laschà pender il cheu ed han mussà spiert da cumbat e curaschi.
Suenter la 60avla minuta, nua che Schär aveva incassà ina charta gelga, era il gieu vegnì pli dir. En la 79avla minuta dà Seferovic in culp da latta ed en l'82avla minuta fa Xherdan Shaqiri l'unic gol per la Svizra - dentant in gol da siemi.
Suenter 90 minutas + 4 minutas prolungaziun stevi 1:1 - il otgavel final tranter la Svizra e la Pologna a Saint-Etienne è ì en la prolungaziun.
Ils Svizzers han giogà cun tut la forza. Ils polonais na paraivan betg pli dad avair medemamain blera forza. La Pologna aveva persvadì plitost en l'emprima mesadad dal gieu - uschia Roman Dobler da Saint-Etienne.
Malgrà bleras schanzas n'ha la prolungaziun betg manà gols. I va en ils penaltis nua ch'igl è reuschì a tuts da mantegnair il sang fraid - sulettamain a Xhaka betg.
La Svizra perda l'otgavel final cunter la Pologna suenter penalties cun 5:6.
-
Bild 1 von 7. Ed adina danovamain il gol da Shaqiri. Bildquelle: Keystone.
-
Bild 2 von 7. Shaqiri suenter ses gol -. il 650avel ch'è vegnì gfatg en ina runda finala dad in Campiunadi europeic. Bildquelle: Keystone.
-
Bild 3 von 7. Cumbat en l'ajer - . Embolo in acziun encunter il goali polonaisFabianski. Bildquelle: Keystone.
-
Bild 4 von 7. Il pli ault fan svizzer: . cussegliera federala Doris Leuthard en visita a Saint-Etienne. Bildquelle: Keystone.
-
Bild 5 von 7. Ils svizers sa preparan per la prolungaziun. Bildquelle: Keystone.
-
Bild 6 von 7. In mar cotschen cun crusch svizra - . ils fans èn pronts aint il stadi Geoffroy Guichard a Saint-Etienne. Bildquelle: Keystone.
-
Bild 7 von 7. Er els èn pronts:. da l'autra vart dal stadio a Saint-Etienne il mar cotschen che vegn furmà dals fans polonais. Bildquelle: Keystone.
RR Sportissimo 15:00+