cuntegn
Salut la France
-
A Montpellier regia il rugby – uss però betg
La Frantscha dal Sid e ina regiun da rugby. L’equipa da «Stade Toulousain» per exempel ha durant ils ultims decennis gudagnà titels en seria. Ed er l’equipa da Montpellier ha gia cumbattì per il titel. En la regiun da la Frantscha dal Sid s’occupa la glieud plitost dal rugby che dal ballape.
Durant il champiunadi d’Europa è quai dentant auter. Uss nagin che gioga rugby, nagin che curra enturn cun in ov da rugby. Ils uffants ed era ils creschids dattan ballape.
Perquai èsi stà prudent da noss reporter da laschar a chasa il tricot da rugby. Rugby n’è per il mument nagin tema en Frantscha dal Sid.
RR actualitad 11:00
