Durant il campiunadi d’Europa en Frantscha n’èn betg sulet ils giugaders bler sin viadi, mabain er tut ils schurnalists, tranter quels er Andreas Wieland. El na sto betg mintgamai prender cun el chalzers da ballape e tricots, persuenter blera tecnica, quai davent dal laptop enfin il microfon.
Gia en l’hotel èsi da controllar duas giadas che tut saja pachetà en la cofra. A la plazza aviatica vai vinavant cun controllas, lura èsi puspè da pachetar ora tut. Il medem vala tar l’entrada en il stadion. Era là vulan ils controlladers mirar exact cun tge rauba ch’ils schurnalists vulan entrar.
Cun controllas ston noss reporter Andreas e collegas vegnir a frida durant l’EURO. Quellas datti da l’emprim fin il davos di, ma quai er per l’atgna segirtad.
