Siglir tar il cuntegn
Clavazin sin via.
Legenda: Il project cultural è fitg popular a Paris. Keystone

Salut la France Il clavazin public

«Jouez, je suis à vous» - Paris festivescha il piano sin via. Il project d'art datti en pliras citads en l'entir mund. A Paris dura la segund'ediziun anc fin ils 9 da fanadur 2016.

Sin diversas plazzas u era sin staziuns u en centers da cumpra stattan a disposiziun clavazins. Clavazins ch’èn postads sin pitschens podests, quasi sin in pitschen palc. Mintgina e mintgin che ha gust sa vegnir nà qua a far musica per il public.

Pierre è in da quels students che sa sunar clavazin. El va per la metropola enturn e suna mintgamai nua che in clavazin stà a disposiziun. El metta lura ses chapè sin il clavazin e ramassa uschia in zic munaida per finanziar ses studi.

Dapertut nua che Pierre suna il clavazin sa raduna immediat ina fulla enturn il clavazin. Ils passants han gust vid la musica ch’il pianist fa. Pierre procura uschia per bels muments entaifer tut la hectica da Paris.

RR actualitad 11:00

Artitgels legids il pli savens