Siglir tar il cuntegn
Inhalt

UEFA EURO 2016 «Trikot-Gate» - Puma ha chattà il sbagl

Suenter che numerus tricots da la squadra naziunala da ballape Svizra èn rut durant il gieu da gruppa cunter la Frantscha ha il producent Puma examinà il material e chattà il sbagl.

ballapedist Embolo cun tricot rut
Legenda: Er il tricot da Breel Embolo è stgarpà. Keystone

Tenor Puma è in sbagl da material la raschun ch'ils tricots èn ruts. Durant la producziun sajan tscherts fils vegnids donnegiads e quai haja gi per consequenza che la taila dals tricots finids saja vegnida pli flaivla. Il producent da tricots ha sincerà che quai na capitia betg pli durant il campiunadi europeic.

La chaussa ha muventà la cuminanza da twitter. Cun numerusas propostas ironicas e beffegiantas è vegnì commentà la «penibladad» che ha gia survegnì il num «Trikot-Gate».

Qua ina collecziun da tweets

Er il bal da gieu dad Adidas n'ha però betg tegnì ora las 90 minutas. Tar in duel ha quel pers l'aria.

RR novitads 12:00