Ultimatum per la Russia

La cumissiun disciplinara da l'Uefa ha chastià la Russia sever pervi dals excess da fans en il stadion da Marseille. Sch'insatge uschia sa repetia, vegnia la Russia sclausa immediat.

trenader slutski gesticulescha Bild in Lightbox öffnen.

Legenda da maletgs: La squadra russa dal trenader russ Leonid Slutski ha survegnì l'utlimatum da la UEFA pervi dals cravals dals hooligans. Keystone

Sper l'ultimatum per la Russia, sto la federaziun russa da ballape pajar in chastì da 150'000 euros, communitgescha la Uefa.

Russia accepta mesiras

Il minister da sport russ ha ditg da vulair acceptar la decisiun. Latiers haja Moscau chapientscha, sche la Frantscha tramettia davent fans problematics. Els vegnian chatschads ord il pajais, perquai ch'els na sajan betg vegnids per guardar ballape. Il campiunadi europeic saja ina festa da ballape, ma tuts discurrian mo da patangadas e chastis.

RR novitads 14:00