Voilà la France - Cun Madlaina tras Paris

Madlaina e vita en Frantscha

Dapi passa 30 onns viva Madlaina Vallois-Crastan cun sia famiglia en Frantscha. L’emprim a Paris, ussa datiers da la metropola. La citad plascha ad ella, oravant tut las infinitas purschidas culturalas. „Magari èsi era da memia“ ins vegnia era stanchel en questa citad pulsanta. Ma lura, po ella turnar puspè a far ina visita a Sent.

Legenda: En il «Jardin du Palais Royal» – art public en bajetgs istorics. RTR, E. Berther

Madlaina en il Jardin du Palais Royal

Ensemen cun Madlaina avain nus visità intgins lieus a Paris - lieus che plaschan ad ella. Là avain nus discurrì da las mentalitads en Frantscha, ma era dal ballape. E cura ch'i va per il ballape - lura batta il cor da Madlaina anc oz per la Svizra.

Maletg 1 / 4

Legenda: Madlaina Vallois-Crastan viva dapi passa 30 onns en Frantscha. RTR, E. Berther

Maletg 2 / 4

Legenda: Jardin du Palais Royal – in bel lieu per fugir in pau da la hectica da Paris. RTR, E. Berther

Maletg 3 / 4

Legenda: Las sutgas verdas, ellas tutgan tar ils ierts e parcs a Paris. Mintgin po prender sia sutga e seser nua ch’i plascha. RTR, E. Berther

Maletg 4 / 4

Legenda: «Le Kiosque des noctambules» entrada da la metro en il center istoric da Paris. Jean-Michel Othoniel in artist franzos ha creà quella ils 2000. RTR, E. Berther