Paris – probabel ina citad che blers enconuschan. Lille e Lens? Forsa gia main. Esther Berther e Stefan Dobler èn sa mess sin viadi en questas trais citads per far in zichel pli enconuschent quellas. Esther cun il microfon ed apparat da fotografar e Stefan cun la camera.
Els raquintan da lur experientschas ch'els han fatg en Frantscha e sche lur viadi ha insumma funcziunà sco planisà.
Il nunenconuschent enconuschent
In viadi cun surpraisas. In viadi en citads nunenconuschentas – almain duas dad ellas. E lura: Paris, ina citad che porscha immens bler. La sfida è però da chattar il nunenconuschent a Paris. Lille e Lens, las citads en la Frantscha dal nord percunter porschan bler da scuvierer. Ed ils ch'tis – uschia vegn numnada la glieud en la Frantscha dal nord – èn amicabels e simpatics. Sulet cun il welch, la spezialitad culinarica dal nord, cun quella èn Stefan ed Esther betg propi vegnids a frida.
