La federaziun da ballape europeica UEFA s’entaupa proxim mardi ad ina sesida da crisa. Lura veglian represchentants da las 55 uniuns commembras discutar la moda e maniera da proceder suenter che la pandemia è rutta or. Quai ha annunzià la UEFA.
Gia pliras ligas europeicas han suspendì las partidas da ballape per las proximas emnas. Quai tranter auter er perquai che plirs clubs han annunzià infecziuns cun il coronavirus tar giugaders. Tar l'inscunter veglia la UEFA dentant betg mo tematisar occurrenzas en ligas naziunalas e la Champions League e l'Europa League - mabain er il campiunadi europeic è planisà dals 12 da zercladur enfin ils 12 da fanadur en divers pajais