Siglir tar il cuntegn
Inhalt

Naziunal/Internaziunal Ulteriur Finlandais per il HCD

Il HC Tavau ha engaschà per la proxima stagiun il Finlandais Sami Sandell. L’attatgader da 31 onns ha suttascrit in contract per in onn cun il club grischun.

Sami Sandell amez (cun barba) durant ina partida cun l'equipa naziunala da la Finlanda.
Legenda: Sami Sandell amez (cun barba) durant ina partida cun l'equipa naziunala da la Finlanda. Reuters

Sami Sandell ha giugà sco ultim durant 5 onns per il club finlandais Ilves Tampere (48 puncts en 53 gieus). Ils playoffs aveva l’equipa dentant manchentà. Era ha Sandell giugà ils campiunadis mundials cun l’equipa naziunala da la Finlanda.

Quatter legiunaris en las retschas dal HCD

Cun Sami Sandell ha il trenader dal HCD Arno del Curto ussa quatter giugaders dal exteriur en sia equipa. Dasper l’american Shane Prince era il defensur svedais Magnus Nygren ed in ulteriur attatgader finlandais Perttu Lindgren. Fin che la stagiun cumenza ils 21 da settember vul il campiun da record anc engaschar in ulteriur giugader dal exteriur.

RR novitads 10:00