Siglir tar il cuntegn

Header

Navigaziun

Purtret da skis da passlung dal team svizzer vid la paraid. Fotografads durant il campiunadi mundial a Seefeld.
Legenda: RTR, Andreas Wieland
cuntegn

Naziunal/Internaziunal Um da service dal team da passlung svizzer arrestà

L'affera da doping da sang ch'i ha dà durant il campiunadi mundial a Seefeld enturn 21 atlets, sa tira enavant.

Tenor la procura publica dad Innsbruck sajan ulteriuras persunas vegnidas arrestadas, interrogadas e puspè laschadas liber ils ultims dis. Quai ha rapportà Hansjörg Mayr, pledader da la procura publica Innsruck a l'Agentura da novitads austriaca. Ulteriurs process penals hajan ins mess en moviment. Sche e tge sportists che sajan pertutgads n'ha la procura publica betg ditg.

Nagin suspect envers Cologna

Tar ina da las persunas arrestadas sa tractia tenor la gasetta austriaca «Kronezeitung» d'in austriac da 33 onns ch'è dapi la stagiun passada en il team da service dals passlunghists svizzers. El haja tranter auter er gì da far cun Dario Cologna.

La procura publica dad Innsbruck ha dentant accentuà envers l'Agentura da novitads austriaca che Cologna sez na vegnia betg suspectà. En connex cun el n'haja dà nagina arrestaziun, ha declerà Mayr.

RR novitads 16:00