Siglir tar il cuntegn

Header

cuntegn

Naziunal/Internaziunal Undrà Dickenmann e Sommer

Lara Dickenmann e Yann Sommer èn vegnids undrads als Swiss Football Awards 2016 cun il premi «Players of the Year». Sco trenader da l’onn è vegnì numnà Vladimir Petkovic.

Il glindesdi saira èn a Lachen vegnids undrads ils megliers protagonists dad 11 categorias. Ils titels prestigius «Players of the Year» han survegnì Lara Dickenmann e Yann Sommer.

Lara Dickenmann en acziun durant in gieu cunter l'Italia a Bienna.
Legenda: Lara Dickenmann en acziun durant in gieu cunter l'Italia a Bienna. Keystone

Il goli naziunal ch’è avant curt sa qualifitgà per la Champions League cun Borussia Mönchengladbach ha en pli dastgà retschaiver il premi «Save of the Year» per sia grondiusa parada en la fasa finala dal gieu d’EURO cunter l’Albania.

En la categoria «Trainer of the Year» è vegnì tschernì sco victur il trenader naziunal Vladimir Petkovic. El ha manà la naziunala svizra a la runda finala da l’EURO en Frantscha, nua ch’ils Svizzers èn stads victorius per quatter rundas. Pers avevan els en l’otgavelfinal cunter la Pologna durant sajettar penaltis.

Nico Elvedi «Rookie of the Year»

Sco giugader svizzer junior è vegnì elegì Nico Elvedi, defensur tar Borussia Mönchengladbach. El è sa profilà cunter Shani Tarashaj (FC Everton) e Meriam Terchoun (FC Zürich dunnas).

En la categoria «Squadra da cuppa da l’onn» ha gudagnà il FC Lugano. Ils Tessinais avevan cuntanschì il final e pers il final cunter il FC Zürich cun 0:1.

RR novitads 06:00

Artitgels legids il pli savens