Siglir tar il cuntegn

Header

giugadras d'unihoc.
Legenda: Freshfocus
cuntegn

Unihoc Svizras gudognan cunter Finlanda

Las giugadras d’unihoc svizras han lantschà al campiunadi mundial a Neuschatel cun ina victoria meritada. Ellas han gudagnà er la segunda partida, quai cun 7:4 (0:2, 1:3, 3:2). Ier han ellas gia gudagnà cunter la Germania.

L’equipa da Rolf Kern ha mussà cunter las favuritas ina prestaziun surprendenta. Las Svizras èn stadas durant 50 minutas la meglra equipa. Suenter in penalti manavan ellas cun 6:1. Las Finlandaisas n’han betg dà si ed han empruvà d’egualisar. Las Svizras han sinaquai bain stuì tremblar in zic. La finala ha Margrit Scheidegger fatg cler tut cun l’ultim gol en la 60avla minuta.

La proxima partida dattan las giugadras svizras mardi, a las 19:15. Lura cunter la Pologna.

RTR novitads 16:00