US Open - Federer sto curreger mal'entschatta ma gudogna cunter Dzumhur

Roger Federer stat en la terza runda dal turnier da Grand Slam a New York, l'US Open. Federer ha battì il Bosniak Damir Dzumhur en 4 sets cun 3:6, 6:2, 6:3 e 6:4. Sco gia en l'emprima runda ha Federer cumenzà mal, cun blers sbagls. El sez na sa er betg declerar quai:

audio

Roger Federer na sa sez betg propa declerar la mal'entschatta

00:17 min, ord Novitads dals 29.08.2019.

laschar ir. Durada: 17 Secundas.

En l'emprim set era il Svizzer aifer curt temp cun 0:4 en retard. El ha dentant pudì reagir e la finala gudagnà la partida.

03:08

video

Federer gudogna dentant senza persvader cumplet

Or da Sport-Clip dals 28.08.2019.

laschar ir. Durada: 3 minutas 8 Secundas.

En la terza runda frunta Federer u sin il Franzos Lucas Pouille u il Brit Daniel Evans.

Djokovic er enavant

Suenter Roger Federer è er Novak Djokovic sa qualifitgà per la terza runda dal turnier da Grand Slam a New York. Il Serb ha battì l’Argentin Juan Ignacio Londero en trais sets cun 6:4, 7:6 e 6:1.

Pliras giadas ha il numer 1 dal mund sa laschà tractar vid la spatla sanestra.

Legenda: Pliras giadas ha Djokovic stuì sa laschar tractar vi da la spatla. Keystone

RR novitads 06:00