Siglir tar il cuntegn

Header

Rafael Nadal.
Legenda: Rafael Nadal ha la schanza da gudagnar il quart titel a New York. Keystone
cuntegn

US Open Final tranter Rafael Nadal e Daniil Medwedew

A l'US Open datti il final tranter Rafael Nadal e Daniil Medwedew. Nadal ha gudagnà ses mezfinal cunter il Talian Matteo Berrettini en 3 sets cun 7:6, 6:4 e 6:1 ed ha uss la schanza da gudagnar ses quart titel a New York e ses 19avel titel da Grand Slam insumma.

En l'auter mezfinal ha il Russ Medwedew battì il Bulgarais Grigor Dimitrov er en trais sets cun 7:6, 6:4 e 6:3. Medwedew stat per l'emprima giada en il final da l'US Open.

Final da las dunnas: Williams cunter Andreescu

En il final da las dunnas fruntan questa sonda la top-favurita Serena Williams dals Stadis Unids sin la Canadaisa da 19 onns Bianca Andreescu. Sche l'Americana da 37 onns gudogna, è quai per ella il 24avel titel da Grand Slam.

RR novitads 06:00