Il turnier da tennis US Open a New York ha lieu quest onn senza Maria Scharapowa. Il numer 3 dal mund ha stuì dar forfait pervi d'ina blessura a la chomma.
L'ultima giada che la Russa ha dà in gieu è stà l'entschatta fanadur, il mezfinal cunter Serena Williams. Lura ha Scharapowa era renunzià als turniers da Toronto e Cincinatti. Gia avant dus onns ha Scharapowa manchentà il turnier, lura pervi d'ina blessura da la spatla.
