Uss è ella il numer 1: Simona Halep gudogna a Peking

A partir dal glindesdi che vegn è Simona Halep nov a la testa da la glista da WTA mundiala dal tennis da las dunnas. Grazia a sia victoria en il mezfinal a Peking cunter la Lettona Jelena Ostapenko ha ella surpiglià il numer 1 da la Spagnola Garbine Muguruza.

Ella ha grond plaschair. Bild in Lightbox öffnen.

Legenda da maletgs: Simona Halep suenter sia victoria en il Diamond Center a Beijing. Keystone

En la revantscha dal final dal French-Open ha gudagnà la Rumena Simona Halep en 75 minutas cun 6:2 e 6:4 cunter la lettona Jelena Ostapenko. Quest onn era Halep gia intginas giadas mo ina victoria davent da vegnir il numer 1, ha dentant adina pers.

Simona Halep è la 25avla giugadra en l’istorgia da la WTA che daventa il numer 1 dal mund – malgrà ch'ella n'ha anc mai gudagnà in turnier Grand slam. Ella è l’emprima Rumena che cuntanscha questa posiziun.

RR novitads 12:00