Siglir tar il cuntegn

Header

cuntegn

Naziunal/Internaziunal Uss èn ellas puspè las campiunessas

L’equipa da las dunnas dal FCZ sa puspè festivar il titel da campiunessas svizras da ballape.

L’equipa da las dunnas dal FCZ è puspè enavos sin il tron. Gia ina runda avant la fin dal campiunadi Svizzer è definitiv, ch'il FCZ gudogna il titel. Las dunnas da Turitg han gudagnà il derbi encunter ils Grasshoppers. Perquai che Basilea ha be dà pari tanschi per festivar il titel.

Titel numer tschintg per Seraina Friedli

Dapi l’onn 2012 è il goli Seraina Friedli da La Punt ina part da l’equipa da success dal FCZ. Durant quest onns ha Friedli festivà tschintg titels cun il FCZ. Suenter la victoria en il campiunadi ha l’equipa uss perfin la schanza da cumbatter er per il titel da la cuppa Svizra. En il final scuntra la squadra l’equipa da las dunnas da Lugano.

audio
Seraina Friedli gudogna cun FCZ il titel
ord Actualitad dals 22.05.2018.
laschar ir. Durada: 2 minutas 55 Secundas.

Titel è puspè al dretg lieu

La stagiun passada avevan las dunnas da Neunkirch gudagnà il titel da campiunessas svizras ed era la cuppa svizra. Curt suenter quests success ha l’equipa però sa retratg dal campiunadi pervi da problems finanzials.

RR actualitad 17:40

Artitgels legids il pli savens