Siglir tar il cuntegn

Header

Navigaziun

cuntegn

Naziunal/Internaziunal Ussa vai per bronz encunter la Russia

La squadra naziunala svizra ha manchentà ses emprim final ad in campiunadi mundial dals juniors. Els han pers il mezfinal cunter la Finlanda cun 1:6. Tuttina èn dus engiadinais da buna speranza.

Legenda: Guardar il video Davyd Barandun davart il recept per il «pitschen final» cunter la Russia. Durada 00:45 minutas.
Or da RTR Social dals 05.01.2019.

«Nus n'avain betg giugà bain las emprimas minutas», declera il defensur engiadinais Davyd Barandun la sconfitta. Suenter gnanc otg minutas eran ils Svizzers numnadamain gia en retard cun 0:4 cunter ils Finlandais. En la 17avla minuta ha Philipp Kuraschew sajettà il sulet gol per l'equipa svizra e scursanì il resultat sin 1:4. Il decurs dal segund e terz terz han ils Finlandais anc pudì far dus ulteriurs gols.

Davyd Barandun è tuttina optimistic per il final pitschen cunter ils russ: La medaglia da bronz saja realistica.

Legenda: Guardar il video La Svizra po esser superbia … . Durada 01:49 minutas.
Or da RTR Social dals 05.01.2019.

Era il directur da l'equipa naziunala da hockey, Raeto Raffainer, è optimistic: «Giugar anc ina giada 60 minutas in bun hockey e lura avain nus questa medaglia». L'engiadinais è dentant era superbi da quai che l'equipa ha gia prestà enfin uss. Quai saja da gronda impurtanza per l'entir hockey svizzer.

Il gieu per la medaglia da bronz al campiunadi da hockey U20 giogan ils svizzers sonda saira las 22.00 uras cunter la Russia.

RR novitads 06:00