Valentino Rossi vul far recurs encunter ses chasti avant la dretgira internaziunala da sport TAS. Avant in'emna aveva il Talian chaschunà ina collisiun cun Marc Marquez en la cursa da la Moto GP a Sepang. En consequenza da quest incident sto Valentino Rossi partir dal davos plaz en la cursa finala da questa stagiun a Valencia en Spagna.
En il classament general maina Rossi cun 7 puncts avantatg sin ses collega da squadra, il Spagnol Jorge Lorenzo.
RR novitads 17:00