Valon Behrami resta tar la squadra naziunala Svizra

Valon Behrami stat a disposiziun a la squadra naziunala Svizra per ils dus gieus da barrascha encunter l‘Irlanda dal Nord. Quai ha confermà a Belfast Claudio Sulser, delegà da la Federaziun svizra da ballape.

Laschar ir video «Behrami über den Stellenwert der Nati»

Valon Behrami davart muntada da la squadra naziunala

0:45 min, dals 7.11.2017

La posiziun dal delegà da la Federaziun svizra da ballape Claudio Sulser, è stada necessaria, suenter las pretensiuns dal club da ballape da la serie A taliana Udinese aveva pretendì che Behrami turnia – e quai immediat. En in communitgà fa valair Udinese ch'ils Svizzers hajan nominà Behrami 5 dis memia tard. Behrami saja blessà e betg en il cass da giugar per la naziunala svizra, pretenda il club da chasa da Behrami. Udinese ha schizunt schmanatschà cun pass giuridics.

Entant ha il delegà da la Federaziun da ballape Svizra Claudio Sulser concedì ch'ins n'haja betg tegnì en il termin. Ins saja però en contact cun Udinese.

Examinaziuns gia avant la partenza

Gia avant il viadi a la barrascha a Belfast aveva Behrami stuì laschar far examinaziuns tar medis da ses club Udinese. Ils problems musculars impedeschian a Behrami da giugar per la squadra naziunala Svizra cunter l'Irlanda dal nord, uschia Udinese.

RR novitads 16:00