Naziunal/Internaziunal - Victoria dubla per la Frantscha en la 18avla etappa
Al Tour de France hai dà in victoria dubla per la Frantscha en la 18avla etappa. Romain Bardet è vegnì solo en l'arrivada a Saint-Jean-de Maurienne ed ha realisà sia pli impurtanta victoria fin uss. Segund è vegnì cun Pierre Rollad in ulteriur Franzos.
Ina buna prestaziun ha puspè il svizzer Mathias Frank mussà. El è vegnì 3 minutas suenter Bardet en l'arrivada ensemen cun ili leader dal Tour de France Chris Froome ed ils ulteriurs favurits. Uschia ha Frank defendì ses 8avel plaz en la rangaziun general.
Era Froome ha dumagnà la 18avla etappa senza stuair schar vegnir memia datiers ses concurrents. Il segund dal classament, il Columbian Nairo Quintana, ha anc adina in retard da bun 3 minutas sin il Maillot Jaune.
