Lewis Hamilton gudagna il Grond Premi da l'Italia avant ses collega d'equipa Valtteri Bottas. Hamilton surpiglia era gist la testa en il classament general dal campiunadi da la Furmla 1.
La «Scuderia» manchenta la victoria en ses onn da giubileum
El varga Sebastian Vettel, che vegn cun ses Ferrari be terz. E tut quai capita gist en il pajais dals Ferraris e la Scuderia, che festivescha uonn ses giubileum da 70 onns ed aveva avisà l'emprima victoria dapi l'onn 2010 a Monza.
Hamilton quatter giadas a la testa a Monza
Per Lewis Hamilton èsi gia ses quart triumf a Monza suenter 2012, 2014 e 2015. Pli bleras giadas ha be Michael Schumacher triumfà al GP da l'Italia, numnadamain 5.
La cursa a Monza è stà il grond final da la furmla 1 en Europa. Proxima cursa è a Singapore. E lu è Hamilton quel che vegn chatschà. Il pilot da Mercedes ha uss in avantatg da 3 puncts sin Sebastian Vettel e ses Ferrari.
Per Sauber n'era la cursa puspè betg saubra
Ils pilots da Sauber n'èn ina giada dapli betg vegnids da persvader. Pascal Wehrlein e Marcus Ericsson termineschan il Grond Premi a Monza sin ils ultims plazs.
RR Sportissimo 17:05
