Siglir tar il cuntegn

Header

Duel FCB cunter FCZ
Legenda: Il Turitgais Avi Rikan (dretg) en il cumbat per il ball cunter Taulant Xhaka dal FCB. Keystone
cuntegn

Naziunal/Internaziunal Victoria en l’ultima minuta

Il FC Basilea stat avant ses 6avel titel da campiun en seria. Il leader da la Super-League ha gudagnà cun 2:1 cunter il FC Turitg.

Grazia ad in gol en la 94avla minuta han ils Basilais pudì decider la partida per els. Il FCB po daventar campiun proxima dumengia cun in remis a chasa cunter YB.

Ulteriurs resultats:

Ils ulteriurs gieus da la 32avla runda da la Super League èn gia a fin. Ils Young Boys da Berna restan suveran sin il segund plaz da la tabella. YB ha gudagnà quest suentermezdi a chasa encunter Son Gagl cun 3:1. Per Son Gagl èsi gia stà la quarta terrada en seria.

Lucerna, ch'ha gudagnà ils davos quatter gieus, ils davos dus schizunt mintgamai cler cun 6:2, ha stuì sa cuntentar oz a chasa cun in pari da 0:0 cunter Thun.

Gia sonda aveva Sion battì Vaduz cun 4:0 ed Aarau pers encunter ils Grasshoppers cun 0:1. En la tabella resta il FCB a la testa. YB è cler sin il segund plaz. Sin il terz e quart plaz suondan Thun ed il FCZ. Aarau è a la cua da la tabella e sa plaunet sa preparar sin la relegaziun en la Challenge League. Da giugar en quest campiunadi svizzer èn uss anc quatter rundas.

RR sportissimo 17:00

Artitgels legids il pli savens

Scrollar a sanestra Scrollar a dretga