Svizzers n'han betg persvadì
Meglier Svizzer è Didier Défago. Il campiun olimpic da Vancouver è vegnì 9avel cun in retard da 47 tschientavels sin Hannes Reichelt. Sper Défago ha sulettamain anc il campiun mundial Patrick Küng pudì far il pass sut ils top 15. Il Glarunais è vegnì 12avel cun in retard da 57 tschientavels.
Tut ils auters Svizzers n’han betg propi persvas. Carlo Janka ha stuì sa cuntentar cun il 23avel plaz. Beat Feuz è vegnì 27avel ed in punct da la cuppa mundiala hai anc dà per Mauro Caviezel ch’è vegnì 30avel.
Super-g da las dunnas è vegnì ditg giu
Pervi da la tschajera è la cursa vegnida spustada pliras giada e la finala vegnida scursanida. Il super-g da las dunnas a Bansko en Bulgaria è vegnì ditg giu definitivamain, era pervi da tschajera. La cursa, ch'avess oriundamain gì lieu gia venderdi, era l'emprim vegnida spustada pliras giadas. Suenter 13 skiunzas manava la Taliana Elena Curtoni. La Svizra Dominique Gisin era quarta.
RR novitads a las 15:00