Siglir tar il cuntegn
cuntegn

Naziunal/Internaziunal Victoria per la Taliana Federica Brignone

La Taliana gudogna il segund slalom gigant da la stagiun, a Killington en ils Stadis Unids. Wendy Holdener era suenter l'emprim percurs 7avla, ed en il segund percurs ha la Svizra anc pudì far bun in plaz.

Ina skiunza en plaina cursa.
Legenda: Federica Brignone durant sia cursa che main’ella sisum il podest. Keystone

Per Federica Brignone è quai la 9avla victoria da sia carriera en la cuppa mundiala. Ella distanziescha la Norvegiaisa Ragnhild Mowinckel per bunamain ina mesa secunda. Terza daventa l'Austriaca Stephanie Brunner.

Wendy Holdener sa ranghescha sco meglra Svizra sin il fitg bun plaz 6. En la sparta slalom gigant è ella mo stada ina giada meglra, numnadamain il schaner da la stagiun passada a Kranjska Gora.

Da las ulteriuras Svizras èn sulet duas arrivadas en il segund percurs. Lara Gut daventa la finala 19avla, e Michelle Gisin 25avla.

RR actualitad 20:00