En omadus percurs è la Taliana Marta Bassino stada la svelta. Quai en la naiv e nebla dal slalom gigant da Courchevel. Quai è la segunda victoria da la stagiun per Bassino, e sia terza da la carriera. Il podest cumpletteschan la Svedaisa Sara Hector e la Slovaca Petra Vlhova.
Duas Svizras han fatg ina plazza en ils top 10. Michelle Gisin (+3,09) vegn 8avla, Lara Gut-Behrami 9avla (+3,39). Wendy Holdener è crudada or en il segund percurs.