Il club da hockey da Tavau puspè da digerir ina sconfitta. En il cumbat per la testa da la tabella en liga naziunala A ha il HCD pers encunter il EV Zug cun 2:4. Ditg era la partida egualisada. Suenter il emprim terz stevi pari 1:1. Suenter il segunda terz stevi pari 2:2. Pir durant las ultimas ventg minutas ha il EV Zug alura fatg la differenza. Oscar Lindberg e Yannick Zehnder han procurà per ils gols decisivs.
Suenter victoria encunter Berna, sconfitta encunter Zug
Il program dal club da hockey da Tavau è per il mument dir. Il HCD ha dà las davosas trais partidas tuttas encunter fermas equipas. Durant ils ultims sis dis ha Tavau l’emprim pers encunter ils ZSC Lions, alura ha l’equipa grischuna batti il champiun actual, il SC Berna, ed uss ha il HCD pers encunter il leader da la liga naziunala. Gia encunter ils ZSC Lions aveva il HCD l’occasiun da surprender la testa da la tabella. Per il mument na grategia quai dentant betg.
Uss anc gieu encunter Lugano ed alura il final da la cuppa Svizra.
Sco proxim adversari spetga uss il HC Lugano. Per il mument era ina ferma equipa da la liga naziunala. Ed in dumengia saira s’entaupa il HCD alura en il final da la cuppa Svizra cun Ajoie da la Swiss League. Per la segunda giada durant ils ultims onns ha il HCD la schanza da gudagnar il titel da la cuppa Svizra.
Ils resultats da las ulteriuras partidas
- Genevra - Losanna 0:3
- Lakers - Ambri 3:2 suenter sajettar penaltis
- ZSC Lions - Friburg 1:2 suenter prolungaziun
Hockey tabella liga naziunala A
gieus | gols | puncts | ||
1. | Zug | 49 | 146:120 | 90 |
2. | ZSC Lions | 49 | 162:123 | 88 |
3. | Tavau | 49 | 154:139 | 86 |
4. | Genevra | 49 | 134:115 | 86 |
5. | Bienna | 49 | 149:140 | 78 |
6. | Friburg | 49 | 121:130 | 73 |
7. | Losanna | 49 | 133:129 | 72 |
8. | Lugano | 49 | 124:135 | 69 |
9. | Berna | 49 | 129:139 | 68 |
10. | Ambri | 49 | 116:135 | 60 |
11. | SCL Tigers | 49 | 113:146 | 60 |
12. | Lakers | 49 | 126:156 | 52 |
RTR novitads 23:00