Vincent Kriechmayr ha gudagnà l'emprima victoria per l'Austria da quest onn. El è vegnì emprim en il Super-G a Beaver Creek.
Ils Svizzers èn restads enavos. Il grischunais, Thomas Tumler è sco 12avel, meglier svizzer. Beat Feuz è vegnì 23avel e Mauro Caviezel è crudà or suenter ch'el ha gì il segund meglier temp intermediar.
Gudagnà ha Kriechmayr cun 23 tschintavels avantatg sin il norvegiais Kjetil Jansrud. Terz è vegnì Hannes Reichelt, er in Austriac.