Siglir tar il cuntegn

Header

Navigaziun

La giugadra da tennis Stefanie Vögele vid far in service.
Legenda: Vögele stat per l'emprima giada dapi tschintg mais puspè en la segunda runda d'in turnier da WTA. Keystone
cuntegn

Naziunal/Internaziunal Vögele en la segunda runda a Seoul

Stefanie Vögele ha cuntanschì al turnier da WTA a Seoul la segunda runda. La Svizra ha battì la Sidcoreana Choi Ji-Hee en trais sets cun 6:3, 2:6 e 6:4.

Per Vögele èsi stà l’emprima victoria sin la tura dapi l’avrigl. Lura ha ella cuntanschì a Lugano il mezfinal. En la proxima runda frunta ella forsa sin sia cumpatriota Jill Teichmann che dat en l'emprima runda cunter la Taiwanaisa Hsieh Su-Wei che ha gudagnà la dumengia il turnier da Hiroshima.

Out per Bencic

Per Belinda Bencic è il turnier da Tokio a fin suenter l’emprima runda. La Svizra ha pers cunter la Spagnola Garbiñe Muguruza en dus sets cun 2:6 e 4:6. Bencic ha en spezial gì problems cun ses agen service.

RR novitads 10:00