Naziunal/Internaziunal - Vögele en runda dus suenter maraton
La giugadra da tennis svizra Stefanie Vögele è en la proxima runda dal turnier da Nürnberg. Suenter in maraton da quasi trais uras ha Stefanie Vögele battì Renata Voracova da la Tschechia cun 6:7, 6:4 e 6:2.
En il segund set era la Svizra cun 1:4 en retard encunter Voracova. Da moda e maniera impressiunanta ha Stefanie Vögele dentant gudogna 5 games en seria e stort uschia la partida. En la segunda runda dal turnier s’inscuntra Stefanie Vögele cun Kurumi Nara dal Giapun.
