Siglir tar il cuntegn

Naziunal/Internaziunal Vonn triumfescha a Garmisch

L’americana Lindsey Vonn gudogna il super-G a Garmisch-Partenkirchen cun in avantatg da 2 dieschavels sin la slovena Tina Maze e cun ina avantatg da 36 tschientavels sin l’austriaca Anna Fenninger.

La skiunza Lindsey Vonn durant la cursa.
Legenda: Vonn è stada la pli sperta a Garmisch-Partenkirchen. Reuters

Per Vonn èsi la 65avla victoria en la cuppa mundiala. Ella maina uss era en il classament general da la cuppa mundiala en la disciplina super-G, quai cun 8 puncts avant Anna Fenninger. Questa stagiun datti anc 1 super-G da las dunnas.

Resultats da las ulteriuras Svizras

Lara Gut è stada la melgra Svizra cun il plaz 5. La Tessinaisa ha in grond retard dad 1 secunda e 28 tschientavels sin Lindsey Vonn.

Dominique Gisin terminescha la cursa sco 8avla, ella è tuttina sperta sco la franzose Margot Bailet. 11avla è Fabienne Suter. Priska Nufer è 30avla.

RR novitads 14:00