Siglir tar il cuntegn

Naziunal/Internaziunal WADA è preoccupada

La decisiun dal Tribunal internaziunal da sport (TAS) dad abolir diversas sancziuns d'atlets russ preoccupescha l'agentura dad anti-doping (WADA).

WADA logo.
Legenda: L'agentura da doping mundiala sa mussa da considerar tut las opziuns. Keystone

L'agentura dad anti-doping (WADA) saja conscienta che la decisiun dal Tribunal internaziunal da sport (TAS) vegnia a procurar per frustraziun e consternaziun tar ils sportists, uschia la WADA en ina communicaziun. Il TAS aveva la mesemna decidì dad abolir las sancziuns da 28 atlets russ ch'eran bloccads per vita duranta pervia da l'abus da doping.

La WADA vegnia a sustegnair l'intent dal comité internaziunal dad examinar bain la decisiun. Els considereschian mintga opziun – er da far recurs al Tribunal federal svizzer.

RR novitads 06:00