Stan Wawrinka ha cuntanschì la proxima runda al turnier da tennis a Roma. Il Romand ha pudì volver il gieu encunter Juan Monaco (ATP 36) e la finala battì l’Argentin en trais sets cun 4:6, 6:3 e 6:2.
I vess duvrà pauc e Stan Wawrinka avess cassà la sisavla terrada ord ils davos 10 gieus. Wawrinka era enavos encunter l’Argentin cun in set ed in break en il segund set.
En l’otgavelfinal frunta Stan Wawrinka sin il victur dal gieu tranter l’austriac Dominic Thiem ed il franzos Gilles Simon.
