Wawrinka è mitschà cun la tema

Stan Wawrinka ha cuntanschì la segunda runda dals French Open be cun gronda fadia. Il Romand è sa profilà cunter il Tschec Lukas Rosol en tschintg sets cun 4:6, 6:1, 3:6, 6:3 e 6:4.

Stan Wawrinka. Bild in Lightbox öffnen.

Legenda da maletgs: Stan Wawrinka. Keystone

Stan Wawrinka ha gudagnà cun fadia il gieu da l'emprima runda al French Open. Cunter il Tschec Lukas Rosol ha Wawrinka gudagnà suenter passa 3 uras en tschintg sets cun 4:6, 6:1, 3:6, 6:3 e 6:4. En la segunda runda frunta Wawrinka u sin il slovac Martin Klizan u sin il Giapunais Taro Daniel.

Gia avant trais aveva Wawrinka survegnì in schatg sin l’emprima runda a Paris, numnadamain en il mezfinal a Genevra. En la citad da Calvin aveva Lukas Rosol gia mussà al Romand tgi ch’el è. Tuttina aveva Wawrinka lura gudagnà la partida cun 6:2, 4:6 e 6:3.

RR novitads 17:00