Naziunal/Internaziunal - Wawrinka en l'otgavel final a Rotterdam
Stan Wawrinka cuntanscha l'otgavel final dal turnier da tennis a Rotterdam. Il Svizzer ha gudagnà cunter Benoît Paire en dus sets cun 7:6 e 6:1. Paire è classà diesch posiziuns meglier che Wawrinka.
Cunter in da ses megliers amis sin la tura da tennis è Wawrinka partì in zic retegnì en il gieu. En l'emprim set era el cun 3:5 en retard. Suenter ch'el ha dentant pudÌ defender trais ballas da set ha el giugà adina pli ferm. En il segund set ha el dominà cleramain la partida.
En la segunda runda frunta Wawrinka u sin il Canadais Milos Raonic u il Tudestg Philipp Kohlschreiber.
