Siglir tar il cuntegn

Header

cuntegn

Naziunal/Internaziunal Wawrinka sto ceder en il mezfinal encunter Djokovic

Il svizzer Stan Wawrinka è curdà ora en il mezfinal dal turnier da Masters a Paris. Wawrinka ha pers encunter il Serb Novak Djokovic en 3 sets cun 3:6, 6:3 e 0:6.

Stan Wawrinka ha bain gudagnà il segund set cun 6:3 cunter Novak Djokovic. Dentant en il terz e decisiv set aveva il Romand para naginas forzas pli, uschia ch’el ha pers quest set cunter il numer in dal mund cleramain cun 0:6.

Wawrinka dastga esser cuntent

Djokovic ha gudagnà ses 21avel gieu en seria. Wawrinka astga tuttina esser cuntent cun il turnier a Paris. Tranter auter ha el battì il Spagnol Rafael Nadal ed ha era gudagnà in set encunter Djokovic, quai che betg gartegià a blers il davos temps.

Djokovic frutna sin Murray

Novak Djokovic ha oz pia la schanza da gudagnar per la terza giada en seria e per la quarta giada insumma il turnier da Paris-Bercy. En il final frunta il Serb sin il Scot Andy Murray ch'ha gudagnà ses mezfinal en dus sets encunter il Spagnol David Ferrer.

Novitads RR 20.00

Artitgels legids il pli savens