En l'otgavla cursa singulas da la stagiun vegn il biatlet Svizzer Benjamin Weger la 6avla giada tranter ils top 12. In exploit ha'l manchentà a la cursa da la cuppa mundiala a Nove Mesto gia l'emprima mesadad da la cursa – quai cun 3 sbagls cun sajettar cun giaschair. En pe ha il Vallesan da 29 onns però sajettà perfects, uschia ch'el ha pudì meglierar la rangaziun da 24 sin 12.
Suenter las victorias en ils 10 kilometers sprint e 12,5 kilometers persecuziun, ha il Norvegiais Johannes Thingnes Bö era gudagnà ils 15 kilometers cun start da massa. Questa stagiun è quai la 6avla victoria per il Norvegiais.
Il podest
- 1. Johannes Thingnes Bö (NOR) 37:25.2
- 2. Quentin Fillon Maillet (FRA) +0:46.5
- 3. Jewgeni Garanitschew (RUS) +0:54.1
RR novitads 14:00