Siglir tar il cuntegn

Header

Navigaziun

La giugadra da tennis Belinda Bencic.
Legenda: Belinda Bencic fa il pass en la terza runda a Wimbledon. Keystone
cuntegn

Wimbledon Uss è era Bencic enavant

Suenter 70 minutas è la victoria da Belinda Bencic cunter Kaia Kanepi da l'Estonia stada realitad. E Roger Federer ha duvrà pauc dapli per sia victoria cunter il Brit Jay Clarke – numnadamain 96 minutas.

Cun 6:3 e 6:1 gudogna Belinda Bencic la partida da la segunda runda cunter Kaia Kanepi. E decisiv è stà il setavel game da l'emprim set, cura che Bencic è l'emprim stada en avantatg cun 40:0 e tuttenina avev'ella ina balla da break cunter ella. Suenter ch'ella ha tuttina pudì decider il game en sia favur, ha Bencic gudagnà otg dals nov proxims games.

Roger Federer è optimistic

Roger Federer ha battì il Brit Jay Clarke en trais sets cun 6:1, 7:6 (7:3) e 6:2. Tut en tut è Federer sa mussà cuntent suenter il gieu:

Il tanc è vinavant plain.
Autur: Roger Federer

Cun sia 17avla qualificaziun per ina terza runda, ha il Svizzer egualisà il record da Jimmy Connors e fatg in ulteriur record.

Cuntinuaziun la sonda

Ils proxims adversaris da Roger Federer e da Belinda Bencic sonda proxima èn il Franzos Lucas Pouille e l'Americana Alison Riske.

RR novitads 18:00++