Jil Teichmann procura per furora al turnier da WTA a Lexington. Senza perder in set è ella en il mezfinal dal turnier da tennis. En il quartfinal ha Teichmann gudagnà cun 6:2 e 6:4 encunter l'americana Catherina Bellis.
Grazia a la qualificaziun en il mezfinal dal turnier en ils Stadis Unids vegn Teichmann da sa meglierar en il top 60 da la rangaziun mundiala. Sche la Svizra da 23 onns gudogna il turnier fiss ella tranter ils top 50.
Sco proxim frunta Jil Teichmann u sin Serena Williams u sin Shelby Rogers.
