Anc suenter l'emprim gieu da la barrage guardevi ora tut auter. Aarau aveva gudagnà ordaifer a Neuchâtel cun 4:0 ed era cun in pe gia promovì.
En il gieu da return ha Xamax mess tut sin il chau. Suenter il temp regular stevi 4:0 per Xamax, uschia ch'i ha dà ina prolungaziun. En quella n'hai dà nagins gols. Il sajettar penaltis ha pia stuì decider e là ha Xamax gì la megliera gnerva. Xamax ha tutgà tuttas 5 giadas, Aarau mo 4 giadas.
RR novitads 20.00