Siglir tar il cuntegn
Inhalt

Naziunal/Internaziunal Zambrano defenda danov per Basilea

Il club da ballape da Basilea ha reagì sin la blessura da ses schef da defensiun Marek Suchy. Sco emprest da Dynamo Kiew vegn il Peruan Carlos Zambrano.

carlos zambrano
Legenda: Carlos Zambrano (san.) da ses temp tar Eintracht Frankfurt – qua en cumbat cunter Josip Drmic (dretg) da Nürnberg (mars 2014). Keystone / archiv

Il FC Basilea ha engaschà in nov defensur fin la fin da la stagiun. Il defensur peruan Carlos Zambrano mida davent da Dynamo Kiew ad emprest tar il club dal Rain. Il FCB posseda dentant ina opziun da cumpra sin la fin da la stagiun.

Zambrano ha giugà tranter auter en la Germania per Eintracht Frankfurt, ed en la Grezia tar PAOK Saloniki, avant ch’el ha midà sin l’entschatta dal 2018 en la Russia. Per il Peru ha Zambrano giugà 39 giadas en la naziunala – l'ultima giada il 2016.

Avant in'emna era Suchy sa blessà a la tarschola d'Achilles en il gieu cunter Sion. Lezza era parzialmain stgarpada, uschia ch'il Tschec Marek Suchy croda per pliras emnas.

RR novitads 18:00